ဖုန်းရွှေ အမှားများ

“လခထုတ်ပြီး ၃ ရက် ၄ ရက်အတွင်း ပိုက်ဆံအငွေ့ပျံသွားရတဲ့ အကြောင်းရင်း…”
(Feng Shui အမှားများ )

“ငါလည်း ပိုက်ဆံအများကြီး ရှာနိုင်တာပဲ… ဘာလို့ လက်ထဲ ပြန်ပြန်ပျောက်နေရတာလဲ” လို့ စဉ်းစားရလွန်းလို့ ဆံပင်တွေတောင် ကျွတ်တော့မယ့် သူတွေရှိနေပြီလား?

ဒါဟာ သင့်ဇာတာ ညံ့နေတာ မဟုတ်ပါဘူး။ အိမ်က ဖုန်းရွှေ (Feng Shui) အပြင်အဆင်တွေ လွဲနေလို့ ဖြစ်နိုင်ပါတယ်။ အောက်က အချက်တွေကို သင့်အိမ်မှာ ရှိ၊ မရှိ အမြန်စစ်ပြီး လွှင့်ပစ်စရာရှိတာ လွှင့်ပစ်လိုက်တော့နော် 

အိမ်ရှေ့တံခါးနဲ့ နောက်တံခါး တည့်တည့်ရင်ဆိုင်နေခြင်း 
အရှေ့တံခါးကနေ လာဘ်လာဘတွေက “ဟိုင်း… ငွေလေးတွေ လာပေးတာ” ဆိုပြီး ဝင်လာပေမယ့်၊ အိမ်ထဲမှာ ခဏလေးတောင် မထိုင်ရသေးဘူး… နောက်တံခါးကနေ “ဘိုင်ဘိုင်း” ဆိုပြီး တန်းထွက်သွားတာမျိုးပါ။ ဒါကြောင့် ငွေဝင်သလောက် ပြန်ထွက်နေတာပေါ့။

ဖြေရှင်းနည်း – ကြားထဲမှာ လိုက်ကာလှလှလေး ဖြစ်ဖြစ်၊ ဗီရိုတစ်ခုဖြစ်ဖြစ် ခံပြီး ကာထားလိုက်ပါ။ ငွေတွေကို အိမ်ထဲမှာပဲ အတင်းအကျပ် ဧည့်ခံထားတဲ့ သဘောပေါ့။

အိပ်ရာခြေရင်း တည့်တည့်မှာ ‘မှန်ကြီး’ ထားခြင်း 
ညဘက် သရဲကားကြည့်ပြီး လန့်နိုးတဲ့အချိန် (သို့မဟုတ်) မနက်အိပ်ယာနိုးနိုးချင်း ကိုယ့်မျက်နှာကိုယ် မှန်ထဲ ပြန်မြင်ပြီး “အမေရေ… သရဲ” ဆိုပြီး လန့်အော်ဖူးကြလား? ဒါဟာ အိမ်တွင်းက ကောင်းတဲ့စွမ်းအင်တွေကို ကိုယ့်ဆီကနေ ပြန်မောင်းထုတ်နေသလိုပါပဲ။ ကျန်းမာရေးအတွက်လည်း မကောင်းပါဘူး။

ဖြေရှင်းနည်း – မှန်ကို ဘေးဘက်ရွှေ့ပါ၊ မရွှေ့နိုင်ရင် ညအိပ်ခါနီး အဝတ်နဲ့ အုပ်ထားလိုက်ပါ။ (ကိုယ့်ရုပ်ကိုယ် လန့်မလန့်ရအောင်လို့ပါ)

ဧည့်ခန်းထဲမှာ ‘ရှားစောင်းလက်ပတ်’ တွေ အလှစိုက်ထားခြင်း 
အိမ်ထဲမှာ ဆူးပါတဲ့အပင်တွေ ထားရင် အိမ်သားချင်း တွေ့တာနဲ့ “ဆူးနဲ့ဆွသလို” စကားများ ရန်ဖြစ်တတ်ပါတယ်။ လင်မယားချင်း “ဒီနေ့ ဘာဟင်းချက်လဲ” ကစပြီး စစ်ပွဲဖြစ်ရတဲ့ တရားခံဟာ အဲဒီ ရှားစောင်းလက်ပတ်ကြောင့်လည်း ဖြစ်နိုင်ပါတယ်။

ဖြေရှင်းနည်း – အိမ်ထဲမှာ အရွက်ဝိုင်းဝိုင်း၊ အစိမ်းရောင်အပင်လေးတွေပဲ ထားပြီး ဆူးပါတဲ့အပင်တွေကိုတော့ ခြံဝင်းထဲ မောင်းထုတ်လိုက်ပါ။

ရပ်နေတဲ့ နာရီနဲ့ ကွဲအက်နေတဲ့ ပန်းကန်တွေ 
ဓာတ်ခဲကုန်လို့ ရပ်နေတာကြာပြီဖြစ်တဲ့ နာရီကို “အလှ” ဆိုပြီး ချိတ်ထားရင် သင့်ရဲ့ ကံဇာတာနဲ့ တိုးတက်မှုကလည်း အဲဒီနာရီလိုပဲ ရပ်တန့်နေပါလိမ့်မယ်။ ကွဲအက်နေတဲ့ ကော်ဖီခွက်တွေကို နှမြောပြီး ဆက်သုံးနေရင်လည်း ဆင်းရဲခြင်းကို “Welcome” လုပ်နေသလိုပါပဲ။

ဖြေရှင်းနည်း – နှမြောမနေပါနဲ့တော့… အခုပဲ အမှိုက်ပုံးထဲ လွှင့်ပစ်လိုက်ပါတော့ဗျာ။
_________________________

ဖုန်းရွှေဆိုတာ တကယ်တော့ အယူသီးတာမဟုတ်ဘဲ အိမ်ထဲမှာ လေဝင်လေထွက်ကောင်းပြီး မျက်စိပသာဒ ရှင်းလင်းအောင် နေထိုင်တဲ့ သိပ္ပံနည်းကျ အိမ်တွင်းအစီအမံတစ်ခုပဲ ဖြစ်ပါတယ်။

အိမ်ထဲမှာ အမှိုက်တွေ ရှင်း၊ အဝတ်တွေ သေချာခေါက်ထားရင်ပဲ ငွေတွေက အလိုလို ဝင်လာမှာပါ (တကယ်ပြောတာနော်)။

ကဲ… သင့်အိမ်မှာကော အပေါ်က အမှားတွေထဲက ဘယ်နှချက် ရှိနေလဲ?

ဖုန်းရွှေနည်းစနစ်နဲ့ ကိုက်ညီပြီး လာဘ်ပွင့်စေမယ့် အိမ်၊ ခြံ၊ မြေ၊ ကွန်ဒိုကောင်းတွေကို ရှာဖွေနေတယ်ဆိုရင်တော့ YGN HOME ကို သတိရလိုက်ပါ! 

#YGNHOME #RealEstate #FengShuiTips #ဖုန်းရွှေ #အိမ်တွင်းအစီအမံ #အိမ်ခြံမြေဗဟုသုတ #ရန်ကုန်အိမ်ခြံမြေ