မမြင်ရတဲ့ ထောင်ချောက်လား? တကယ့်အခွင့်အရေးလား? 

မမြင်ရတဲ့ ထောင်ချောက်လား? တကယ့်အခွင့်အရေးလား? 
“ဟာ… စျေးတန်လိုက်တာ” ဆိုပြီး မဝယ်ခင် ဒါလေး အရင်ဖတ်ကြည့်ပါဦး 

အိမ်ခြံမြေလိုက်ရှာရင်း ပတ်ဝန်းကျင်ပေါက်စျေး သိန်း (၁,၀၀၀) တန်ကိုမှ (၇၀၀) ဝန်းကျင်လောက်နဲ့ ရောင်းမယ်ဆိုတဲ့ “စျေးတန်တန်” အကွက်အကွင်းမျိုး တွေ့ဖူးကြမှာပါ။ “ငါတော့ အခွင့်အရေးကြီး ရပြီ၊ သူများဦးမသွားခင် ချက်ချင်းစရန်ပေးမှ” ဆိုပြီး စိတ်လောသွားတတ်ပါတယ်။

ဒါပေမယ့် စျေးကွက်ထဲမှာ “အကြောင်းမရှိဘဲ စျေးမပေါဘူး” ဆိုတဲ့ စကားတစ်ခုရှိပါတယ်။ အလောတကြီး ဆုံးဖြတ်လိုက်ရင် နောင်ပြင်မရတဲ့ “ပညာပေးစျေး” ဖြစ်သွားနိုင်တာမို့ အဲဒီစျေးတန်တန်တွေရဲ့ နောက်ကွယ်မှာ ဘာတွေရှိနေတတ်လဲ?

၁။ အပေါ်ယံ ရွှေမှုန်ကြဲ၊ အထဲက ကတ်ကြေးနဲ့ညှပ် 
အိမ်ခြံမြေမဝယ်ခင်မှာ စာရွက်စာတမ်းက အရေးကြီးဆုံးပါ။ ပိုင်ရှင်အစစ်မဟုတ်ဘဲ ကြားကလိမ်တာ၊ အမွေဆိုင်တွေကြား မပြေလည်သေးဘဲ ခိုးရောင်းတာ၊ ဒါမှမဟုတ် တရားရုံးမှာ အမှုဖြစ်နေတဲ့ မြေ/တိုက်ခန်းတွေဟာ စျေးသိသိသာသာ ပေါတတ်ပါတယ်။ စာရွက်စာတမ်းမစုံရင် “မြေဝယ်လို့ ရွှေဖြစ်” မယ့်အစား “ငွေဆုံး” သွားနိုင်ပါတယ်။

၂။ အပြင်ပန်းကြည့်တော့ မင်းသား၊ အထဲကြည့်တော့ ဓားပြ 
တိုက်ခန်း သို့မဟုတ် လုံးချင်းအိမ်တွေကို ဆေးသစ်လေးသုတ်၊ ပါကေးလေးခင်းပြီး အပေါ်ယံလှအောင် ပြင်ထားတတ်ကြပါတယ်။ ဒါပေမယ့် ဖောင်ဒေးရှင်း မကောင်းတာ၊ မိုးရွာရင် ရေဝပ်ပြီး နံရံတွေ ရေစိမ့်တာ၊ ရေလိုင်း/မီးလိုင်းတွေ ဆိုးဆိုးရွားရွား ပျက်စီးနေတာမျိုးတွေ ရှိတတ်ပါတယ်။ ဝယ်ပြီးမှ ပြန်ပြင်ရမယ့်စရိတ်က စျေးလျှော့ပေးထားတာထက် ပိုများသွားတတ်ပါတယ်။

၃။ “အေးချမ်းပါတယ်” ဆိုပြီးမှ “အုန်းအုန်းဒိုင်းဒိုင်း” ဖြစ်နေခြင်း 
နေ့ခင်းဘက် သွားကြည့်တုန်းကတော့ ဆိတ်ငြိမ်ရပ်ကွက်လေးလိုပါပဲ။ ဒါပေမယ့် ညဘက်ရောက်မှ ဘေးအိမ်က အရက်သောက် အော်ဟစ်တတ်တာ၊ လုံခြုံရေး စိုးရိမ်ရတာ၊ ဒါမှမဟုတ် မိုးရွာရင် လှေလှော်ရတဲ့အထိ ရေကြီးတတ်တာမျိုးတွေ ရှိတတ်ပါတယ်။ ဒါကြောင့် အိမ်ခြံမြေတစ်ခုကို သဘောကျရင် နေ့ရောညပါ (၂) ခေါက်ထက်မနည်း ကွင်းဆင်းကြည့်ဖို့ လိုပါတယ်။

—
စျေးတန်တာ အခွင့်အရေးဖြစ်နိုင်သလို၊ ထောင်ချောက်လည်း ဖြစ်သွားနိုင်ပါတယ်။ “ဘာကြောင့် စျေးတန်နေတာလဲ” ဆိုတဲ့ ကွက်လပ်ကို သေချာဖြည့်နိုင်မှ စိတ်ချရမှာပါ။ ငွေပမာဏ အများကြီး ရင်းနှီးရတာဖြစ်လို့ အမှားမခံပါနဲ့။

သင့်ရဲ့ အိမ်ခြံမြေ ရင်းနှီးမြှုပ်နှံမှုတွေမှာ အလိမ်အညာမခံရဘဲ စိတ်အေးရစေဖို့ YGN HOME ရှိပါတယ်။ ကျွန်တော်တို့ဆီမှာ စာရွက်စာတမ်း သေချာစိစစ်ပြီးသား၊ စျေးနှုန်းမှန်ကန်တဲ့ အိမ်ခြံမြေကောင်းတွေကိုပဲ အမြဲချပြပေးနေတာမို့ စိတ်ချလက်ချ ဆက်သွယ်စုံစမ်းနိုင်ပါပြီခင်ဗျာ။ 

+95 9 894 099077

#YGNHOME #အိမ်ခြံမြေဗဟုသုတ #PropertyInvestment #RealEstateKnowledge #အိမ်ခြံမြေအကျိုးဆောင် #ရန်ကုန်အိမ်ခြံမြေ #YangonRealEstate #အိမ်ခြံမြေဝယ်ရန် #တိုက်ခန်းနှင့်ကွန်ဒို #အိမ်ခြံမြေအကြံပေး #PropertyTips #SmartInvesting #LandAndHouse #ApartmentForSale #YangonProperty #မြေကွက် #တိုက်ခန်း #ရင်းနှီးမြှုပ်နှံမှု #အိမ်ခြံမြေစျေးကွက်