သေတမ်းစာ ရေးပြီး ပေးသွားသည့် မြေနှင့် အိမ်ကို ဝယ်လျှင်
“သေတမ်းစာရေးပြီး ပေးသွား တဲ့ မြေနဲ့ အိမ်ကို ဝယ်ရင် ဘယ်လို ဆောင်ရွက်ရမလဲ ဆရာ”ဟု တပည့်တစ်ယောက်က စာရေးသူ ၏ ရုံးခန်းသို့ လာရောက်ပြီး ဆွေး နွေးလာပါသည်။
“သေတမ်းစာနဲ့ ပတ်သက်ရင် နှစ်မျိုးရှိတယ်။ ပထမတစ်မျိုးက သေတမ်းစာထဲမှာ ဘယ်ပစ္စည်းကို ရောင်းပြီး အမွေခွဲမယ်၊ ကျန် ပစ္စည်း ကို ဘယ်သူ့ကိုပေးမယ်စသဖြင့် ပေါ့၊ စီမံခန့်ခွဲဖို့ရေးသွားတာဖြစ် တယ်။
အဲဒီလိုသေတမ်းစာမှာ ပစ္စည်း တွေ ခွဲဝေပေးဖို့ ရေးထားရင်တော့ ခွဲဝေပေးရမယ့် သူတစ်ဦးကို အ မည်နဲ့ တကွ ဖော်ပြ ပြီး သေ တမ်း စာ အတည်ပြုသူအဖြစ် ခန့်ထား ကြောင်း သေတမ်းစာထဲမှာ အတိ အလင်းဖော်ပြထားရတယ်။
ဒါမှ သေတမ်းစာရေးသူ ကွယ်လွန်သွားရင် သေတမ်းစာ အတည် ပြုသူအဖြစ် ခန့်ထားခြင်းခံရသူက သက်ဆိုင်ရာ တရားရုံး မှာ သေတမ်း စာ အတည်ပြု လက်မှတ်လျှောက် ထားရယူရမှာဖြစ်တယ်”
“ဒါဆိုရင် သေတမ်းစာ အတည်ပြု လက်မှတ်ရသူက ကွယ် လွန်သူရဲ့ ပစ္စည်းတွေ ပိုင်သွားပြီ ပေါ့”
“သေတမ်းစာ အတည်ပြု လက်မှတ်ရသူက သေတမ်းစာထဲ မှာ ပါရှိတဲ့အတိုင်း ပစ္စည်းကို တာ ဝန်ယူရောင်းချခြင်း၊ ခွဲဝေခြင်း၊ ပေး ကမ်းခြင်း ကိစ္စတွေကို ဆောင်ရွက် ပေးရမှာဖြစ်တယ်၊ သူကိုယ်တိုင်က ပိုင်ဆိုင်ခွင့်မရဘူး၊ စီမံခန့်ခွဲပေး ပိုင်ခွင့်ရှိသူသာ ဖြစ်တယ်”
“တကယ်လို့ သေတမ်းစာ အတည်ပြု လက်မှတ်ရသူက သေ တမ်းစာမှာပါတဲ့အတိုင်း ခွဲဝေ ဆောင်ရွက်မပေးဘူးဆိုရင် ဘယ် လိုဖြစ်နိုင်သလဲ ဆရာ”
“သေတမ်းစာထဲမှာပါရှိတဲ့ အမွေရခွင့်ရှိသူတွေက သေတမ်းစာအတည်ပြုလက်မှတ်ရသူကို အမွေခွဲဝေပေးဖို့ တရားရုံးမှာ လျှောက် ထားတောင်းဆိုခွင့်ရှိ တယ်”
“ဒုတိယတစ်မျိုးက ဘယ်လို ပုံစံလဲ ဆရာ”
“ဒုတိယတစ်မျိုးကတော့ သေ တမ်းစာရေးသူက သူပိုင်ပစ္စည်း အားလုံးကို တစ်ဦးတည်းအားပေး လိုက်တဲ့ ကိစ္စဖြစ်တယ်။ အဲဒီ မှာ တော့ သေတမ်းစာထဲမှာ သေတမ်း စာအတည်ပြုသူ အဖြစ် မခန့်ထား ဘဲ မည်သူ့ကို ပေးလိုက်သည် လို့ ဖော်ပြရေးသား ထားတဲ့ သေတမ်း စာ အမျိုးအစားဖြစ်တယ်”
“အဲဒီလို ဆိုရင်ဘယ်လိုလုပ် မလဲ ဆရာ”
“အမွေဆက်ခံခြင်း ဥပဒေအ ရ သေတမ်းစာမှာပါတဲ့ အမွေရသူ က သေတမ်းစာပူးတွဲပါရှိသော အမွေထိန်းစာကို သက်ဆိုင်ရာ တရားရုံးမှာ သေတမ်းစာကို တင်ပြ ပြီး လျှောက်ထားရယူရမှာဖြစ် တယ်”
“သေတမ်းစာပူးတွဲပါရှိတဲ့ အမွေထိန်းစာရသူက အမွေပစ္စည်း အားလုံးကို ပိုင်ဆိုင်ခွင့်ရသွားပြီ လား ဆရာ”
“နားလည်အောင် ပြောရရင် တော့ ဒီသဘောပဲပေါ့။ သေတမ်း စာပူးတွဲပါရှိတဲ့ အမွေထိန်းစာရသူ ဟာ အမွေရပစ္စည်းများကို တရား ရုံးရဲ့ အမိန့်ကို ရယူပြီး ရောင်းချ ခြင်း၊ ပေးကမ်းခြင်း စတဲ့ မိမိဆန္ဒ အတိုင်း ဆောင်ရွက်ခွင့်ရသွားမှာ ဖြစ်တယ်”
“အခု ကျွန်တော် ဆွေးနွေးတဲ့ ကျွန်တော့်အပေါင်းအသင်းဝယ်မယ့် အိမ်မြေကိစ္စက ဘယ်ဖြစ်နိုင်ပါသ လဲ ဆရာ”
“ပထမဦးဆုံး သေတမ်းစာ အတည်ပြု လက်မှတ်၊ ဒါမှမဟုတ် သေတမ်းစာ ပူးတွဲပါရှိတဲ့ အမွေ ထိန်းစာရရှိပြီး ဖြစ်မဖြစ် အရင် စုံ စမ်းမေးမြန်းရမှာဖြစ်တယ်။ ရပြီး သားဆိုရင်တော့ သိပ်ပြီး အခက်အ ခဲ မရှိတော့ဘူးပေါ့”
“အရောင်းအဝယ် မှတ်ပုံတင် စာချုပ် တစ်ခါတည်း လုပ်လို့ရ သွားပြီပေါ့နော် ဆရာ”
“သေတမ်းစာ အတည်ပြု လက်မှတ်ပဲဖြစ်ဖြစ်၊ သေတမ်းစာ ပူးတွဲပါရှိတဲ့ အမွေထိန်းစာပဲ ဖြစ် ဖြစ် ရရုံနဲ့ အရောင်းအဝယ် မှတ်ပုံ တင်စာချုပ် တစ်ခါတည်း ချုပ်ဆိုလို့ မရသေးဘူး၊ အစောက ပြောခဲ့သလို၊ တရားရုံးမှာ အဆိုပါ မြေနဲ့ အိမ်ကို ရောင်းချ ခွင့်ပြုကြောင်း အမိန့်တစ်ရပ်ချမှတ်ထုတ်ပေးဖို့ သေတမ်းစာ အတည်ပြု လက်မှတ် ရထားတဲ့ သူ၊ ဒါမှမဟုတ် သေတမ်းစာ ပူးတွဲ ပါရှိတဲ့ အမွေထိန်း စာရရှိထားသူက လျှောက်ထားရ ယူရမှာ ဖြစ်တယ်၊ အဲဒီ တရားရုံး ရဲ့ ရောင်းချခွင့်ပြုတဲ့ ခွင့်ပြုမိန့်ရမှ မြို့တော် စည်ပင်သာယာရေး ကော်မတီရုံးမှာ မြေပုံကူးမယ်၊ ပြီးမှ စာချုပ်စာတမ်းရုံးမှာ အရောင်းအဝယ်မှတ်ပုံတင် စာချုပ်ကို ချုပ်ဆို လို့ရမှာဖြစ် တယ်”
“ဒါဆိုရင် သေတမ်းစာကို သေချာကြည့်ရမှာပေါ့”
“အေး-ဟုတ်တယ်၊ သေတမ်း စာကို တချို့က ဘဏ်မှာ သိမ်း ဆည်းထားခဲ့တာ၊ စာချုပ် စာတမ်း ရုံးမှာ သိမ်းဆည်းထားတာတွေ ရှိ တတ်တယ်၊ တချို့ကလည်း Open (အိတ်ဖွင့် သေတမ်းစာ) ဆိုပြီး ရခွင့်ရှိသူ လက်ထဲကို အပ်နှံခဲ့ တာလည်း ရှိတယ်။ ဘဏ်မှာ အပ် နှံထားတာဆိုရင်တော့ သေစာရင်း ပြပြီး ထုတ်ယူဆောင်ရွက်ရမှာ ပေါ့”
“တကယ်လို့ ဆရာရယ်၊ သေ တမ်းစာ အတည်ပြုလက်မှတ် မ လျှောက်ထားမီမှာ သေတမ်းစာ အတည်ပြုခွင့်ရသူက ကွယ်လွန် သွားရင် ဘယ်လိုဆက်လုပ်ရမလဲ ဆရာ”
“အေး-ဒါလည်း ဖြစ်တတ် တာပဲ၊ ငွေကြေးအဆင်မပြေသေး လို့ သေတမ်းစာ အတည်ပြုလက် မှတ် မလျှောက်ဖြစ်သေးတဲ့ အချိန် မှာ သေတမ်းစာ အတည်ပြုရမည့် သူ ကွယ်လွန်သွားရင်တော့ သေ တမ်းစာကို အတည်ပြုလျှောက် ထားလို့ မရတော့တဲ့အ တွက် သေ တမ်းစာ ပျတ်ပြယ်တဲ့ သဘော သက်ရောက်ပြီး သေတမ်းစာမရေး ဘဲ ကွယ်လွန်သွားသည့် အခြေအ နေမျိုးရောက်ရှိ သွား မှာဖြစ်တယ်”
“အဲဒီ အခြေအနေမှာ ကျန် ရစ်ခဲ့တဲ့ မြေနဲ့အိမ်ကို ရောင်းမယ် ဆိုရင် အမွေခွဲပြီးမှ ဆောင်ရွက်လို့ ရမှာလား ဆရာ”
“အမွေခွဲပြီးမှ ရောင်းချလို့ လည်းရတယ်၊ အကောင်းဆုံးက တော့ ကျန်ရစ်တဲ့ အမွေဆက်ခံသူ တွေက အမွေထိန်းစာ လျှောက် ထားပြီး ဆရာ ပြောခဲ့သလို အမွေ ထိန်းစာအရ တရားရုံးမှာ ရောင်း ချခွင့် လျှောက်ထားကာ ရောင်း ချခြင်းက လွယ်ကူအဆင်ပြေ မှာ ဖြစ် တယ်”
“ဟုတ်ကဲ့ပါ ဆရာ၊ ကျွန် တော် ဘယ်လို ဆက်လုပ်ရမယ်ဆို တာ သိပါပြီ”ဟု စာရေးသူအား နှုတ်ဆက်ဂါဝရပြု၍ ထွက်ခွာသွား ပါ သည်။
စာဖတ်သူများ ဗဟုသုတဖြစ် စေရန် ရေးသားလိုက်ခြင်းဖြစ်ပါ သည်။
ထီယု (ဥပဒေ အတိုင်ပင်ခံ)
Credit to: ဈေးကွက်ဂျာနယ်
