တိုက်ခန်းဝယ်ယူခြင်းနှင့် အမည်ပြောင်းခ တိုက်ခန်းအရောင်းအဝယ် ပျောက်ငွေပေးစနစ်

တိုက်ခန်းဝယ်ယူခြင်းနှင့် အမည်ပြောင်းခ တိုက်ခန်းအရောင်းအဝယ် ပျောက်ငွေပေးစနစ်

အပျောက်ငွေပေး စနစ်ဆိုသည်မှာ တိုက်ခန်းတွင် လက်ရှိနေထိုင်သူက အခြားသူတစ်ဦးတစ် ယောက်အား တိုက်ခန်းတန်ဖိုး သတ် မှတ်၍ လွှဲပြောင်းရောင်းချ သည့် စနစ်ဖြစ်သည်။

ဤသည်နှင့် ပတ်သက််၍-

ဒေါ်ငွေသိန်းနှင့် ဒေါ် သိန်းညွန့် ၁၉၉၃ ခုနှစ်၊ မြန်မာ နိုင်ငံ တရားစီရင်ထုံး စာမျက်နှာ ၁၇ အမှုတွင် ရန်ကုန်မြို့၌ တိုက် ခန်း၊ အိမ်ခန်းများကို အိမ်ငှားအချင်းချင်း၊ အပျောက်စနစ်ဖြင့် အ ဆင့်ဆင့်လွှဲပြောင်း ရောင်းချခြင်း အား အများပြည်သူတို့ အနေဖြင့် လက်ခံကျင့်သုံးလျက်ရှိကြောင်း တွေ့ရသည်။ လက်ရှိ အိမ်ငှားက အခြားသူ တစ်ဦးအား တိုက်ခန်း၌ နေပိုင်ခွင့်ကို အပျောက်စနစ်ဖြင့် လွှဲပြောင်းပေးသည့် သဘောဖြစ်သည်။ နောက်တစ်နည်းဆိုရသော် နေပိုင်ခွင့်အတွက် တန်ရာတန် ကြေးပေး၍ ဥပစာကို လွှဲပြောင်း ရ ယူသည့် စနစ်ဖြစ်သည်ဟု အဓိပ္ပာယ် ဖွင့်ဆိုထားသည်ကို တွေ့ရပေ သည်။

ငှားရမ်းခပေးရခြင်း

အပျောက်ငွေပေးစနစ် ဖြင့်တိုက်ခန်းများ လွှဲပြောင်းရောင်းချခြင်းကို ယခင်က (Salami) ဆလာမီ စနစ်ဟုခေါ်ကြသည်။ ဆ လာမီ ဟူသော ဝေါဟာရမှာ အိန္ဒိယလူမျိုးများ၏ အခေါ်အ ဝေါ်ဖြစ်သဖြင့် စနစ်ကို မြန်မာ နိုင်ငံတွင် ကိုလိုနီခေတ်ကာလက စတင်ကျင့်သုံးခဲ့ သည်ဟု ယူဆရ ပေသည်။

ဆလာမီဟူသော ဝေါဟာ ရနှင့် ပတ်သက်၍ အင်္ဂလိပ် အဘိဓာန်၌- “ Premium in addition to rentpaid by a lasser to the
lessor on taking up tenancy also” ဟု အဓိပ္ပာယ်ဖွင့်ဆိုထားပါ သည်။

ယင်းအဓိပ္ပာယ်ဖွင့်ဆိုချက်အရ အပျောက်ငွေပေးစနစ်သည် အိမ်ငှားက အိမ်ရှင်ကို လ စဉ်ငှားရမ်းခပေးရမည့်အပြင် အ ဆောက်အအုံ (တိုက်ခန်း) ငှားရမ်း နေပိုင်ခွင့်အတွက် ငွေကြေးတစ်စုံတစ်ရာ သတ်မှတ် ပေးရမည်ဖြစ် သည်။ ယင်းငွေကြေးကိုပင် အ ပျောက်ငွေ ဟု သုံးစွဲခေါ်ဝေါ်ကြ ခြင်းဖြစ်ပေသည်။

‘ဦးဝှာကေးနှင့် ဒေါ် သောင်း ၁၉၉ဝ ခုနှစ်၊ မြန်မာနိုင်ငံ တရားစီရင်ထုံး စာမျက်နှာ ၁ဝ၉” အမှုတွင် အိမ်ငှားအဖြစ်ခံယူရန် အတွက် အိမ်ရှင်တို့က အိမ်ငှားထံမှ ငှားရမ်းခအပြင် အပိုငွေ (အ ပျောက်ငွေ) အမြောက်အများကို တစ်လုံးတစ်ခဲတည်း တောင်းခံ ယူ လေ့ ရှိကြသည်ဟု ဖော်ပြသုံးသံ ထားပေသည်။

ထို့ကြောင့် အပျောက်ငွေ ပေးစနစ်တွင် တိုက်ခန်းကို လက်ရှိ တရားဝင် လက်ရောက်နေထိုင်ပိုင် ဆိုင်ထားသူက အခြားမည်သူတစ် ဦးတစ်ယောက်ကိုမဆို တန်ဖိုးငွေ သတ်မှတ်၍ ရောင်းချခွင့်ရှိပေ သည်။

သို့ရာတွင် တိုက်ခန်း၌ နေထိုင်သူတို့မှာ မူလအိမ်ရှင် (မြေပိုင်ရှင်)၏ အိမ်ငှားများသာဖြစ်ပြီး လစဉ်ငှားရမ်းခကို ပေးဆောင်နေ ထိုင်ကြ ရသည်။

သို့ဖြစ်၍ အပျောက်စနစ် ဖြင့် တိုက်ခန်းများအား လွှဲပြောင်း ရောင်းချခြင်းသည် ပိုင်ဆိုင်ခွင့်ကို လွှဲပြောင်းခြင်းမဟုတ်ဘဲ နေထိုင် ပိုင်ခွင့်ကို လွှဲပြောင်းရောင်းချသည့် သဘောပင်ဖြစ်သည်။

တိုက်ခန်းအမည်ပေါက် ပြောင်း ခြင်းနှင့် အမည်ပြောင်းခ

တိုက်ခန်းတွင် လက်ရှိနေ ထိုင်သူက အခြားသူတစ်ဦး တစ် ယောက်အား တိုက်ခန်းတန်ဖိုး သတ်မှတ်၍ လွှဲပြောင်းရောင်းချရာ တွင် ဝယ်ယူဆက်ခံသူမှာ မူလ အိမ်ရှင် (မြေရှင်)၏ အိမ်ငှားအ ဖြစ် အသိအမှတ်ပြုရန် (တစ်နည်း အားဖြင့် တိုက်ခန်းဝယ်သူအား တိုက်ခန်း ပိုင်ရှင်အဖြစ် အသိအမှတ်ပြုရန်) တိုက်ခန်း ရောင်းသူက မြေရှင်အား သင့်လျော်သည့် ငွေ ကြေးကို တိုက်ခန်းဝယ်သူ အမည် ပေါက်ဖြစ်ရန် အမည်ပြောင်းခပေး ဆောင်ရလေ့ရှိသည်။

သို့မှသာ မြေရှင် (အိမ်ရှင်) က တိုက်ခန်း လက်ရောက်ဝယ်ယူ သူကို တိုက်ခန်းပိုင်ရှင်အိမ်ငှား အ ဖြစ် သတ်မှတ်ကာ ဝယ်ယူသူအ မည်ဖြင့် ငှားရမ်းခများကို ဆက် လက် ကောက်ခံသွားမည်ဖြစ်ပေ သည်။

တိုက်ခန်းအမည်ပေါက် ပြောင်းခနှင့် ပတ်သက်၍ ဥပဒေတွင် သီးခြား ပြဋ္ဌာန်းချက်မရှိသော်လည်း အများပြည်သူတို့ အနေဖြင့် လက်ခံ ကျင့်သုံးနေသော စနစ်တစ် ခုဖြစ်သည်။

အကယ်၍ တိုက်ခန်း ရောင်းချသူက တိုက်ခန်းလွှဲပြောင်း ဝယ်ယူသူအား တိုက်ခန်းအမည် ပေါက်အဖြစ် အမည်ပြောင်းလဲ မ ပေး ခဲ့လျှင် မြေရှင်က တိုက်ခန်း ဝယ်ယူနေထိုင်သူတို့အပေါ် ကျူး ကျော်နေထိုင်သူအဖြစ် တရားစွဲဆို နှင်ပိုင်ခွင့်ရှိပေသည်။

“ဒဗလျူကေမင်နှင့် ဦး မောင်ခို (ခ)နှိုင်းနားဂျမားလ် ၁၉၈၄ ခုနှစ်မြန်မာနိုင်ငံတရားစီ ရင်ထုံး စာမျက်နှာ ၂၇၄” အမှု တွင် အချင်းဖြစ် အိမ်ခန်း၏ မြေ ရှင် (အိမ်ရှင်)မှာ ဦးဒဗလှူကေမင် ဖြစ်ပြီး အိမ်ငှားများမှာ ဦးအီစွပ်နှင့် ဒေါ်မြဖြစ်သည်။

ဦးအီစွပ်ကွယ်လွန်သွား သောအခါ ဒေါ်မြသည် အချင်း ဖြစ်တိုက်ခန်းကို တူဖြစ်သူ ဦး မောင်ခိုအား လွှဲအပ်ပေးကြောင်း ပန်းပဲတန်း မြို့နယ် တရားရေး ဦးစီးမှူးထံတွင် ကျမ်းကျိန်လွှာပြုလုပ် လွှဲအပ်ပေးခဲ့သည်။ များမကြာမီ ဒေါ်မြကွယ်လွန်ရာ ဦးမောင်ခို သည် အချင်းဖြစ် တိုက်ခန်းသို့ ပြောင်းရွှေ့နေထိုင်သည်။ အိမ်ရှင် ဦးဒဗလျူကေမင်က ဦးမောင်ခိုအား တိုက်ခန်းတွင် နေထိုင်ခြင်းမှာ ကျူးကျော်နေထိုင်ခြင်းဖြစ်၍ ဖယ်ရှားပေးရန် အကြောင်းကြားစာပေးပို့လာသဖြင့် ဦးမောင်ခိုက အိမ်ငှားဖြစ်ကြောင်း မြွက် ဟကြေ ငြာပေးရန် တရားစွဲဆိုခဲ့ခြင်းဖြစ် သည်။

တရားရုံးချုပ်က ဆုံးဖြတ် သည်မှာ ဒေါ်မြက အချင်းဖြစ် ဥပစာကို ဦးမောင်ခိုအား လွှဲ ပြောင်းပေးခြင်းမှာ နေထိုင်ခွင့်ကို သာ လွှဲပြောင်းပေးခြင်း ဖြစ်သည်။ ထိုသို့ လွှဲပြောင်းပေးခြင်းကို အ ကြောင်းပြု၍ အိမ်ရှင် ဒဗလျူကေမင်၏ အိမ်ငှားအဖြစ် အလိုအလျောက် မရောက်ရှိနိုင်ဟု ဆုံး ဖြတ်ခဲ့ပါသည်။

ထို့ကြောင့် တိုက်ခန်းဝယ် သူများသည် တရားဝင်အမည် ပေါက် နေထိုင်ခွင့်ရရန်မှာ ရောင်းသူက အမည်ပြောင်းခကို မြေရှင် အားပေး ၍ ဝယ်သူအမည်သို့မဖြစ် မနေ ပြောင်းရမည်ဖြစ်ပေသည်။

နိုင်ငံပိုင်မြေ (အိုးအိမ် ဦးစီးဌာနပိုင်မြေနှင့် မြို့တော်စည်ပင်သာယာရေး ကော်မတီပိုင်မြေ) ပေါ်တွင် ဆောက်လုပ်ထားသော အဆောက် အအုံတိုက်ခန်းများကို အပျောက်စနစ်ဖြင့် လွှဲပြောင်းဝယ် ယူရာတွင်လည်း ဝယ်ယူသူသည် သက်ဆိုင်ရာ မြေ ပိုင်ဆိုင် သည့် ဌာနသို့ တိုက်ခန်းရောင်းသူ၊ ဝယ် သူနှစ်ဦးလုံးသွားရောက်၍ တိုက် ခန်းအမည်ပေါက်ပြောင်းလဲ သတ် မှတ်ပေးရန် လျှောက် ထားရသည်။

အချုပ်အားဖြင့်ဆိုသော် တိုက်ခန်းများကို အပျောက်ငွေပေး စနစ်ဖြင့် တန်ဖိုးသတ်မှတ်လွှဲ ပြောင်းရောင်းချနေခြင်းသည် လူ နေမှု အသိုင်းအဝိုင်းက လက်ခံ ကျင့်သုံးနေသော စနစ်တစ်ခုပင် ဖြစ်သည်။

ထိုသို့ တိုက်ခန်းများကို အပျောက်စနစ်ဖြင့် ဝယ်ယူခြင်း၊ ပြန်လည်လွှဲပြောင်း ရောင်းချခြင်းများ ပြုလုပ်ရာတွင် မြေပိုင်ရှင်ထံအ မည် ပြောင်း ခပေးသွင်းခြင်း၊ ငှားရမ်းခပေးသွင်းခြင်းတို့မှာ ကုန်သွယ်မှု ဓလေ့ထုံးစံ (Commercial Usage) အဖြစ် လက်ခံ ကျင့် သုံးနေ ကြခြင်းဖြစ်ကြောင်း ဗဟုသုတအ ဖြစ်ရေးသားလိုက်ပါသည်။

ထီယု (ဥပဒေအတိုင်ပင်ခံ)
Credit to: ‌‌ဈေးကွက်ဂျာနယ်