အရောင်းအဝယ် မှတ်ပုံတင်စာချုပ်ပြီးမှ အပေါင်ပစ္စည်းပါဟု တောင်းဆိုခွင့် မရှိခြင်း “မြေနဲ့ အိမ်ဝယ်ဖို့ စရန်ပေးထားတယ် ဆရာ၊ ကန့်ကွက်ရန်ရှိမရှိ ကြေညာလိုက်တော့ ရောင်းထားတာမဟုတ်ဘူး။ အပေါင်ခံထားတဲ့အိမ်ဆိုပြီး ကန့်ကွက်လာတယ် ဆရာ၊ အဲဒါဘယ်လိုဖြစ်နိုင်ပါသလဲ သိချင်လို့ပါ” မိတ်ဆွေတစ်ဦး၏ သားဖြစ်သူက စာရေးသူထံ လာရောက်ဆွေးနွေးခြင်းဖြစ်သည်။ “တချို့က အိမ်မြေအပေါင်ခံတာကို အရောင်းစာချုပ် ချုပ်ဆိုပေးပါလို့ တောင်းဆိုတာမျိုးလည်းရှိတတ်တယ်။ အရပ်ထဲက စကားအရဆိုရင်တော့ ရောင်းပေါင်စာချုပ်လို့ ခေါ်တာပေါ့။ ဟန်ဆောင်စာချုပ်လို့လည်း ခေါ်ကြတယ်” “ရောင်းပေါင်စာချုပ်က ဘယ်လိုမျိုးလဲ ဆရာ”...